Impasigurado ti Commission on Elections (COMELEC) a surotenda iti agbalin a desision ti Korte Suprema mainaig iti petision a mangkueskuestion iti online overseas voting system a naaramat iti 2025 elections.
Segun kenni Comelec Chairman George Erwin Garcia, awan pay ti naawatda a resolusion isu a saanda pay a makumpirmar no adda ti inruar a ruling iti Korte Suprema.
Nangipila ti National People’s Initiative Council Committee ken God’s People’s Initiative iti motion to intervene mainaig iti petision nga inpila ti PDP-Laban idi Hunio, napalabas a tawen.
Kiniddaw dagiti intervenors iti Korte Suprema a mangiruar ti writ of preliminary mandatory injunction tapno bilinen ti Joint Congressional Oversight Committee nga agconvene ken mangipaay ti sertipikasion para iti Miru Systems Inc. nga election provider ti napalabas nga eleksion.
Kayatda pay nga imbestigaren ti Joint Committee iti SMS Global ken Sequent Tech Inc. gapu iti mapapati a panaglabsing iti karbengan dagiti botante a Pilipino iti ballasiw-taaw.
Maibasar iti resolusyon ti Korte Suprema idi Abril 15, nabilin iti Comelec ken Department of Foreign Affairs (DFA) a mangipasa ti kometo iti uneg ti 10 nga aldaw sipud iti panangawat ti kopya ti resolusion.###
