Inwaragawag ni Commission on Elections (COMELEC) Chairman George Erwin Garcia na inadal da a naimag dagiti na-accredit a baro nga party-list organizations.
Dumanon laeng ti 42 dagiti na-accredit ti poll body ken saan a nakasrek dagiti dua gasot a dadduma pay.
Kinuna ni Chairman Garcia a nu saan a na tingiting a nasayaat dagiti Certificate of Nomination and Acceptance wenno CONA dagiti party-list groups ket dumanon kuma ti 300 ti bilang da iti balota.
Daitoy a waragawag ket gapo iti panagadal ti election watchdog a Kontra-Daya nga 86 wenno 55% manipud ti 156 a party-list organizations nga inaprobar ti Certificate of Nomination and Acceptance ti poll body ket saan met a mangibagi kadagiti napapanglaw ken marginalized.
Inlawlawag na pay nga iti linteg ti Korte Suprema maipaan kadagiti party-lists ket nakapauneg a 50% laeng kadagiti party-list nominees ti kasapulan manipud kadagiti sector nga ireprepresenta da ken iti nabatbati pay a kagudwa ket mabalinen a saan a paset ti sektor.
Adda pay iti linteg a kasapulan laeng ti proven advocacy para iti nasao nga sektor ken isuda ket mabalin a tumaray.
Iti agdama, adda iti 155 ti bilang dagiti party-list organizations ti aglalaban inton eleksyon para iti 63 congressional seats.
113 kadaitoy a bilang ket existing party-list bayat a 42 laeng dagiti newly-accredited.
Daitoyen ti kababaan a party-list groups nga aglalaban para ti maysa nga eleksyon.
Segun kenni Garcia, ti panagadal ti Kontra-Daya ket saan met a nalawag nu naibasar ba kadagiti existing wenno newly-accredited party-lists.
Kinunana a nasayaat ti kaadda dagiti panagadal a nakapokus kadagiti newly-accredited party-lists iti komisyon tapno makita a patas nga talaga iti obserbasyon.
