BR LA UNION – Inaprubaran ti Commission on Elections (COMELEC) En Banc iti extension ti pre-enrollment iti internet voting.
Agpaut agingga Mayo 10 ti nasao nga enrollment.
Gaputi dayta, inallokoy latta ni COMELEC Chairman George Erwin Garcia dagiti Overseas Filipino Workers nga ag-enroll pay ti nasap-sapa.
Kinuna na a wagas daytoy ti poll body tapno ad-adu pay nga overseas voters ti ma-engganyo nga agbotos.
Iti overseas voting ket nangrugi idi Abril 13 ken agpaut agingga Mayo 12.
Amin a makipaset iti online voting ket kasapolan nga agpare-enroll nga umuna tapno makabotos.
