LA UNION – Inbasura ti Commission on Elections (Comelec) en banc ti petisyon tapno malukatan manen dagiti ballot boxes a naaramat idi 2022 elections.
Immuna nga indatag ti apela ti makunkuna a trio a buklen da dati nga Information and Communications Technology Secretary Eliseo Rio, dati nga Elections Commissioner Gus Lagman, ken dati a presidente ti Finance Executives Institute a ni Franklin Ysaac.
Pinasingkedan ni Comelec Chairperson George Garcia a ti mosion dagiti tallo a nagkiddawda iti manual inclusion ti sumagmamano a balota nangruna dagiti naaramat iti Sto. Tomas, Batangas a dinismiss iti en banc.
Kinunana a ti rason ti pannakaikkat ti petision ket gapu ta inpila ni Tiro ti petision tapno maideklara a failure ti eleksion iti intero a pagilian.
Kinunana a maikontra daytoy iti kiniddawda a remedyo a panagbilang kadagiti balota.
Malaksid iti daytoy, inlawlawag pay ni Garcia nga adda ti agtultuloy a protesta sadiay Sto Tomas mainaig iti takder ti mayor ti siudad seknan iti nasao a banag isu a saanda a naala dagiti balota iti nasao a lugar gapu iti protective custody order.
Malaksid iti daytoy, inlawlawag pay ni Garcia nga adda ti agtultuloy a protesta sadiay Sto Tomas mainaig iti takder ti mayor ti siudad seknan iti nasao a banag isu a saanda a naala dagiti balota iti nasao a lugar gapu iti protective custody order.
