BR LA UNION – Inwaragawag ni Commission on Elections (COMELEC) Commissioner Ernesto Maceda Jr. a lalo pay nga irutan da ti ‘Ayuda Ban’ wenno dagiti probisyon iti abuse of state resources.
Kinuna na nga adda iti sumagmamano a baliwan ti komisyon maipapan iti panangibunong ti ayuda kas ti Ayuda sa Kapos ang Kita Program (AKAP), Assistance to Individuals in Crisis Situation (AICS) ken dadduma pay.
Innayon ni Commissioner Maceda, adu dagiti mairep-report kadakuada, a maus-usar dagiti programa iti kampanya, isunga kasapolan nga ipaayan daytoy ti atensiyon ti komisyon.
Iti burial and medical cash assistance ket saan da nga ipawil iti umadanin a kampanya.
Karaman a matutukan iti panagusar ti e-wallets maipapan iti panangipaay ti kuwarta iti panawen ti kampanya.
Maipalagip a 10 nga aldaw sakbay iti eleksyon ket saanen a mabalin a mangipaay iti ayuda.
