Kinuna ni Commission on Elections (COMELEC) Chairman George Erwin Garcia a maysa kadagiti feature wenno probision nga inayonda iti baro nga aramid nga Election Management System (EMS) ket iti kabaelan a mangnayon iti nagan tapno saan nga marigatan iti poll body no adda panagbalbaliw manen a maaramid iti balota.
Napateg ti Election Management System (EMS) iti automated election gapu ta isu ti mangorganisar kadagiti panagsagana ken materiales a kasapulan iti eleksion.
Iti agdama, ti umuna a sistema a naaramid ken panagusar ket saan a makainayon ti nagan isu a saan a magundawayan daitoy a basta lattan manginayon ti nagan a parparbo.
Segun kenni COMELEC Chairman Garcia, pamay-an daitoy ti poll body tapno saan a narigat no adda kasapulan a mabaliwan wenno mainayon iti sistema.
Ngem, impaganetgetna a no bilang ta rummuar manen ti Temporary Restraining Order (TRO) a mainaig iti pannakadiskualipika dagiti kandidato nangruna iti national level ket back-to-zero manen ti printing commission ta masapul a suroten iti daitoy.
