Sinuspinde ti Commission on Elections (Comelec) iti registration dagiti botante para ti 2026 Barangay ken Sangguniang Kabataan Elections (BSKE) idiay Eastern Visayas gapo ti panagduprak ti Bagyong Tino.
Segun kenni Comelec Chairperson George Erwin Garcia, sinuspende da nga umuna iti eleksion idiay Tacloban City ken nagbalin a sapasap a Region 8.
Kenuna ni Garcia a mangisaysayangkat da ti imbentaryo kadagiti local election offices ken agin-inspeksyon no adda ti nadadael nga alikamen ti ahensia gapo ti napigsa a panagtudo.
Innayon na pay, maituloy iti registration dagiti botante nu indeklaran a natalged dagiti lugar a naduprak ti bagyo.
Maipalagip nga intuloy ti Comelec iti panagrehistro dagiti botante para ti 2026 BSKE idi Oktubre 20, 2025 aginggana Mayo 18, 2026.
Idi Oktubre 30, dumanon ti pakabuklan a 240,687 nga aplikante iti nagparehistro tapno makabotos para ti November 2026 BSKE: 127,980 ti babai ken 112,707 met ti lalaki.
Iti kangatuan a bilang dagiti nagparehistro ket nailista idiay Region IV-A nga addaan ti 48,364, sinaruno ti National Capital Region a dumanon ti 32,789, ken Region III a 24,661.
Kabayatanna, nakaawat metti Comelec head office ti 1,600 aplikasyon ken iti mapatta-patta a bilang dagiti botante ket dumanon ti nasurok-kumurang 1.4 million.###
