BR LA UNION – Balligi a nakimmeg iti maysa a 49-anyos a construction worker kabayatan ti naiwayat nga anti drug buy bust opearation idiay Barangay Sagayad idi aldaw ti lunes Hunio 2, 2025.
Iti operasyon ket indaulwan iti San Fernando Police Station nagserbi nga lead unit kadua dagiti naduma-duma a unit ti Philippine National Police, ken iti Philippine Drug Enforcement Agency Regional Office.
Iti natiliw a suspek ket residente ti Barangay Ilocanos Sur naala manipud ikotna ti agarup 0.6 a gramo ti mapapati a shabu nga aggatad iti Php 4,080.00 pesos.
Karaman pay naala kenkuana ti dua a heat-sealed plastic sachet a naglaon iti mapapati a droga, keypad cellphone, maysa a Honda TMX 155 a motorsiklo nga addaan sidecar, ken Php 1,000 a buy-bust money.
Naaramid ti inventory ken marking dagiti nakumpiskar nga ebidensiya iti imatang dagiti witnesses manipud Department of Justice ken elected barangay officials.
Agdama a nakabalud ti suspek iti San Fernando City Police Station ken sumangsango iti kaso a panaglabsing iti Republic Act 9165.
