Nainget ita ti agtultuloy a contact tracing nga isaysayangkat iti lokal a gobyerno iti ili a Bacnotan, La Union kadagiti nakapulapol iti kaunaan a covid 19 patient no sadinno immuna a nabigbig daytoy kas maysa a 43 anyos a seaman.
Iti eksklusibo a pannakiuman iti Bombo Radyo La Union kenni Bacnotan, La Union Mayor Francisco Fontanilla, dagus da nga in-activate ti contact tracing team idi kalman tapno sapulen dagiti nakapulapol iti pasyente partikular iti Brgy. Maragayap kalpasan da a maawat ti report manipud idiay Department of Health seknan iti panagpositibo iti maysa a kailian da.
Iti inisyal a report, naipatulod kenni Mayor Fontanilla babaen iti contact tracing team, adda itan iti 17 a tattao a nakapulapol iti pasyente ti naipasidong iti swab test ken maururay iti resulta na.
Naipalagip pay ti opisyal iti koordinasyon kadagiti nakapulapol iti pasyente para iti napaspaspas a resulta iti contact tracing ken tapno malapdan ti panagwaras iti virus.
Maysa pay kadagiti tututukan da nga imbestigaran ket dagiti travel history daytoy.
Nabilin metten dagiti Bumaranggay nga agtalinaed kadagiti pagtaengan dagitoy kas paset iti protocol.
Maur-uray met ti posible iti pannakairuar ti kanayonan a detalye iti LGU Bacnotan maipapan iti resulta iti travel history iti pasyente ken kanayonan a pagannurutan wenno pammilin.
Maipalagip, June 22, 2020 idi nagturong ti nadakamat a seaman idiay Metro Manila para iti pre deployment medical examination, ken maminsan manen nga aglugan iti barko. Naipasidong iti Covid 19 RT-PCR test no sadinno rimwar ti resulta na idi June 23, positibo daytoy iti covid 19. Asymptomatic ti pasyente ken agdama a naka confine iti Balaoan District Hospital. Inlawlawag pay ni Mayor Fontanilla nga idi pay Pebrero a simmangpet ti nasao a seaman.
Pinunas met ni Mayor Fontanilla iti panagdanag wenno panagamak dagiti tattao agsipudta imbinglay na nga aramiden da amin a kabaelan da tapno saan nga agwaras iti virus ken nairot a pannakaipatungpal iti minimum health standards.
Alallukoyen na met ti kooperasyon iti tunggal maysa mainaeg iti panagtulnog kadagiti protocols
