Nagaramid manen ti pakasaritaan iti football superstar a ni Cristiano Ronaldo kalpasan nga indauluanna ti Portugal iti dominante a 5-0 a panagballigi kontra ti Uzbekistan iti Group K ti 2026 FIFA World Cup.
Iti nasapa a paset ti laban, nakagun-od ni Ronaldo iti dua a goal tapno ikkan ti dakkel a bentahe iti Portugal.
Gapu iti brace, naartapan ni Ronaldo iti siam a World Cup goals ni Eusébio ken nagbalin nga all-time leading World Cup scorer ti Portugal. Isu pay ket nagbalin a kaunaan a lalaki a player a nakagun-od ti maysa a goal kadagiti innem a nadumaduma nga edision ti FIFA World Cup.
Malaksid iti dua a goal ni Ronaldo, nainayon iti iskor iti maysa a goal ni Nuno Mendes, maysa kenni Rafael Leão, ken own goal ti Uzbekistan mailista iti 5-0 a pannangabak ti Portugal.
Babaen ti panagballigi, ngimmaton ti Portugal iti uppat a puntos ken sanguen da ti Colombia iti maudi a group-stage match para iti posible a claim iti umuna a puesto iti Group K.###
