BR LA UNION – Addan iti proseso ti Pilipinas tapno kiddawen ti tulong iti International Criminal Police Organization (INTERPOL) para iti panang-aresto kenni sigud nga Ako-Bicol Partylist Representative Zaldy Co a maipagarop nga aglem-lemmeng idiay Portugal.
Segun kenni Department of Interior and Local Government (DILG) Secretary Jonvic Remulla, addan ti bilin ni President Ferdinand Marcos a pormal nga ag-apply ti extradition treaty nga uray awan ti extradition treaties ti dua a pagilian.
Nu pudno nga adda idiay Portugal ni Co ket dakkel ti maitulong ti Interpol tapno mapaawid ti mammanday linteg.
Sumangsango ni Co iti kaso a graft, malversation ken falsification of public documents gapu kadagiti inaramid na nga anomalya iti flood control project idiay Oriental Mindoro.
