Inpakaammo ti Civil Service Commission (CSC) nga mangisayangkatda iti nationwide job fair manipud Setiembre 2 agingga 6, 2024.
Ti nasao nga aktibidad ket paset ti panangrambak ti ahensia iti 124th Philippine Civil Service Anniversary (PCSA).
Mangipaay ti onsite job fair kadagiti indibidual a panggepda ti maaddaan iti karera iti public sector, iti lugar a makilangen kadagiti recruiter, mangipila kadagiti aplikasion ken mangisubmitir kadagiti kasapulan a mapili nga ahensia ti gobierno.
Makipset iti nadakamat a job fair iti national government agencies, local government units, state ken local universities ken colleges, kasta met dagiti government-owned and controlled corporations.
Maangay ti nasao nga aktibidad kadagiti nadumaduma a mall ken civic centers.
Mabalin a kitaen dagiti interesado nga agsapsapul iti trabaho ti listaan dagiti mangrekrut nga ahensia ti gobierno iti PCSA microsite.
