Inlawlawag ti Korte Suprema a dagiti contract of service wenno job order workers a nagtrabaho iti Philippine Amusement and Gaming Corporation (PAGCOR) ket saan a mabalin a maibilang nga empleado ti gobierno maibasar iti hurisdiksyon ti Civil Service Commission (CSC).
Impaganetget daitoy ti Korte Suprema iti maysa a desision nga insurat ni Associate Justice Ramon Paul L. Hernando no sadino a kuna ti First Division ti korte a ti maysa a grupo dagiti trabahador a nagtrabaho kas cooks, waiter, dishwashers ket saan nga empleado ti PAGCOR kasta met iti dadduma pay a hotel and restaurant business iti PAGCOR.
Kinuna ti korte nga awan ti relasion ti employer-employee iti nagbaetan ti gobierno ken dagiti job order workers a saan a maibilang a serbisio ti gobierno ti serbisioda.
Maibasar daytoy iti klase ti akem, organizational ranking, lebel ti kompensasion, ken employment contract.
Innayon pay ti korte a segun iti Civil Service Commission – Commission on Audit – Department of Budget and Management Joint Circular No. 1, nalawag a dagiti contract of service wenno job order workers ket saan a sakupen dagiti linteg ken regulasyon ti Civil Service.
