Imbutaktak ni US President Donald Trump a kinuna kenkuana ni Chinese President Xi Jinping a saan na a sakopen ti Taiwan agingga isuna latta ti Presidente ti Estados Unidos.
Saan met a basta nga agtalek ni Trump ken palpaliiwen na pay iti sitwasyon nu tungpalen metlaeng daitoy iti Presidente ti China a kinunana ket nagpadaan da nga addaan iti atiddog a pasensya.
Naisayangkat iti umuna a panagpatang ti telepono da Trump ken Xi idi bulan ti Hunyo ken Abril para ita tawen.
Maipalagip nga ibilbilang ti China a paset ti teritoryo da iti isla ti Taiwan a nakarurodan met ti bangir a dasig ken imbatad a nasken a maraem iti soberanya da.
