BR LA UNION – Dimmepensa ti Malacañang iti inaramid a panang-dillaw seknan iti saan a panang-dakamat ni President Ferdinand Marcos Jr . iti State of the Nation Address (SONA) na iti pananglaban ti online gambling.
Kinuna ni Palace Press Officer Claire Castro a saan nga agdarasudos iti Presidente isunga ad-adalen na a naimbag iti gakat nu naan-anay nga ipawil iti online gambling.
Dackel ngamin ti tulong kadagiti umili iti mapas-pastrekan ti gobyerno kadagiti lisensyado nga online gambling sites.
Inyarig pay ni Castro iti inaramid a panangipawil idi ni sigud a Presidente Rodrigo Duterte iti online sabong ngem nagraira met latta dagiti illegal site ti online sabong.
Maipalagip nga adda ti sumagmamano a gakat a naidatag idiay senado, malaksid pay ti sumagmamano a grupo ken simbaan nga agpan-panawagan a naan-anayen nga ikkaten iti online gambling gaputa adu a biag ti madadael gaputi pannakaigamer iti nasao a sugal.
