Impasigurado ti Malacañang nga awan iti panagngato ti presyo kadagiti 190 a kangrunaan a tagilako nga imon-monitor ti Department of Trade and Industry (DTI) agingga iti panagturpos ti tawen 2026.
Segun kenni Palace Press Officer Undersecretary Claire Castro, agtultuloy iti koordinasyon ti DTI kadagiti manufacturer ken retailer tapnu masigurado iti umdas a supply ken mapagtalinaed iti makabael a presyo dagiti produkto a sakop ti Suggested Retail Price wenno SRP system.
Inlawlawag pay ni Castro a saan a karaman kadagiti 190 produkto ng imon-monitor ti ahensia dagiti sumagmamano a brand ti canned sardines a naipadamag a nangipangato ti presyo.
Gapu iti daitoy, binilinan da dagiti gumatgatang nga agbirok ti alternatibo a produkto ken brand a makabael iti budget da ken karaman iti listaan dagiti tagilako nga addaan ti SRP.
Agtultuloy met ti joint market monitoring ti DTI ken Department of Agriculture kadagiti wet market tapnu mabantayan iti presyo dagitoy.
Imbinglay met ti ahensia a mabalin a mangidarum kadagiti saan a sumursurot ti allagaden wenno aniaman a agdamag dagiti consumer iti DTI Hotline 1384 wenno babaen ti email iti consumercare@dti.gov.ph ken reporttosec@dti.gov.ph.
