BR LA UNION – Nangiruar ti Memorandum Circular iti Malacanang para iti panangipatungpal ti alternative work arrangements kadagiti opisina ti gobyerno ken alternative learning modes iti pagadalan iti sumagmamano a lugar dityoy pagilian ita nga aldaw ti Huwebes, Setyembre 10.
Maibasar daytoy iti rekomendasyon ti National Disaster Risk Reduction and Management Council (NDRRMC) a makapadas ti panagtudtudo gapu iti epekto ti habagat.
Dagiti lugar nga apektado ti nasao a memorandum circular ket pakaibilangan ti National Capital Region (NCR); La Union, Pangasinan, Benguet, Bataan, Bulacan, Pampanga, Zambales, Batangas, Cavite, Laguna, Rizal, Occidental Mindoro ken Oriental Mindoro.
Saan a karaman iti nasao a memorandum dagiti ahensiya a ti trabaho da ket mangipaay ti basic ken health service, disaster preparedness ken response, agraman iti vital services nga agtultuloy ti operasyon na.
Bayat a dagiti Contract of Service (COS) ken Job Orders (JO) workers a naipasidong iti alrternative work arrangements ket mabayadan ti suweldo da maibasar iti daily wage rate.
