BR LA UNION – Nakapastrek iti P214.75 bilyon iti gaming industry ti Pilipinas manipud Enero agingga Hunyo 2025, maibasar iti datos ti Philippine Amusement and Gaming Corporation (PAGCOR).
Daytoy ket 26% a nangat-ngato manipud iti P171 billion iti kapada a panawen idi 2024.
Ti kadakkelan a nakatulong ket ti electronic gaming sector kas iti e-games, e-bingo, ken bingo, a nakapastrek iti P114.83 billion wenno 53.47% iti dagup a kita.
Dagiti lisensiyado a casino, a masarakan idiay Metro Manila, Clark, Cebu, La Union, ken Rizal, ket nakatulong iti P93.36 bilyon wenno 43.47%.
Kabayatanna, P6.56 billion wenno 3.06% ti napastrekan manipud kadagiti PAGCOR-operated casinos.
Segun kenni PAGCOR Chairman Alejandro Tengco, tarigagay da a masiguro a ti panagdur-as ti industriya ket maiyannurot iti responsable a panagay-ayam.
Mainaig ti daytoy, nakitinnunos ti PAGCOR iti Ad Standards Council tapno irutan iti regulasyon dagiti patalastas ti sugal, ken naibilin nga ikkaten dagiti gambling ads iti pampubliko a lugar ken primetime TV sakbay iti Agosto 15 ita a tawen.
