BR LA UNION – Natay ti dua a tattao kalpasan a nakuryente idiay siyudad ti Cebu.
Segun iti PNP, agikab-kabil ti poste ti maysa a solar light ti innem a tattao idiay Barangay Lahug, Cebu City agarop alas-10 ti rabii idi Enero 14.
Saan a nadlaw dagiti biktima a dimket ti landok a poste iti maysa a kable ti kuryente.
Dagus a naideklara a dead on arrival iti dua a biktima bayat nga adda iti kritikal a kondisyon ti maysa ken nagsagaba ti sugat iti bagi dagiti pay a kakadwa da.
Mangisay-sayangkat ti imbestigasyon dagiti otoridad seknan iti nasao nga insidente tapno maamwan ti dadduma pay a detalye.
