BR L UNION – Pinainget ti panagsagana ti La Union Police Provincial Office (LUPPO) kalpasan ti nakaro nga epekto ti Super Typhoon Bavi idiay pagilian a Guam, ken para iti posible nga epekto ti dakes a panawen ditoy probinsiya ti La Union.
Segun kenni PMAJ Arcelli Pang-ag, Public Information Officer ti La Union Police Provincial Office, pina-aktibo dan iti disaster response protocol ken siniguro na a nakasagana dagiti personnel nga agresponde iti panawen ti didigra nangruna para kadagiti agksapolan.
Paset pay iti inaramid da a panagsagana, iti nainget a koordinasyon iti Provincial Disaster Risk Reduction and Management Council (PDRRMC), lokal a gobierno, Bureau of Fire Protection (BFP), Armed Forces of the Philippines (AFP), Philippine Coast Guard (PCG), ken dadduma pay nga ahensiya para iti pre-position search, rescue, and retrieval (SRR) equipment iti amin a police stations ditoy probinsiya.
Agtultuloy met ti panangisagana dagiti pulis kadagiti alikamen, lugan, ken personnel-da para iti search and rescue operations, traffic management, evacuation assistance, ken panangtaginayon iti talna ken urnos kadagiti lugar a mabalin a maapektaran iti dakes a paniempo.
Intay denggen ti panagsarita ni PMAJ Arcelli Pang-ag Public Information Officer ti La Union Police Provincial Office
Inallokoy pay ti LUPPO iti publiko nga agbalin nga alerto kadagiti opisyal a pakaammo ti PAGASA ken lokal a gobierno, mangisagana iti emergency go bag, ken suroten dagiti evacuation orders no kasapulan.
