Nainget iti panagpakdaar ni Malaysian King, Sultan Ibrahim Iskandar iti Ministry of Defense na kontra ti maulit-ulit a biddut iti panaggatang kadagiti segunda mano a military equipment, partikular kadagiti aircrafts a kunana ket mabalin a mangpataud iti peggad kadagiti biag dagiti piloto ken soldado ti Malaysia.
Impaganetget ti Hari ti saan a nasayaat a kapadasan ti Malaysia iti panaggatang ti second-hand A-4 Skyhawk manipud Estados Unidos idi tawen 1982 a saan met nga unay a naus-usar ken addaan pay ti nangato a pakasaritaan ti aksidente.
Binabalaw na pay ti presensya dagiti “agents,” wenno dagiti siguda nga heneral ken negosyante nga awan met iti pakainaigan da iti sektor ti depensa ngem karaman iti procurement deal kas ti panangilako kadagiti drones ken daan nga helicopters.
Namakdaar pay ti Hari seknan iti panaggatang kadagiti nasurok trenta anyos a Black Hawk helicopters ken overpriced a rigid raiding crafts. Nakondenar na pay iti combat diving pool project idiay Rejimen Gerak Khas (RGK) Camp a nalpas kuman idi pay 2022 ngem agingga ita ket saan latta nga operational.
Gapo kadagitoy ket nagpanawagan isuna iti gobierno nga unaen ti panaggatang kadagiti kabaroan nga arawaten pangdepensa ken pagtalinaeden ti kinasagana iti militar.
