BR LA UNION – Pinatawan ti Senate Blue Ribbon Committee, nga idaulwan ni Senate President Pro Tempore Panfilo Lacson, ti cite in contempt ni Curlee Discaya, kalpasan a maipagaop a nagulbod seknan iti saan a panagdar-ay ti asawa na a ni Sarah Discaya, iti pannakaituloy ti panagdengngeg ita nbga aldaw, Setyembre 18, 2025 kadagiti iregularidad iti proyekto ti flood control.
Immuna nga imbaga ni Curlee Discaya, a saan a nakadar-ay ni Sarah gaputi problema ti salun-at.
Ngem kinontra daytoy ti maysa a surat manipud mismo kenni Sarah Discaya, a mangibagbaga a ti panag-langanna ket gapwanan ti immuna a naka-schedule a pannakitaripnong kadagiti empleyado na iti kumpanya.
Gaputi maipagarop a panagulbod, posible a sumango ni Curlee Discaya ti pannaka-iditine idiay Senado kas paset ti contempt powers ti komite.
Agtultuloy iti imbestigasyon ti Senado kadagiti anomalya iti flood control projects, a pakairam-ramanan ti sumagmamano a pribado a kontratista ken opisyal ti gobyerno.
Maipalagip nga iti naglabas a hearing, inbutaktak ti Discaya couple iti nagan ti sumagmamano a kongresista ken DPWH officials a maipagarop a kumidkiddaw ti “kickback” manipud kadagiti proyekto, manipud 10% agingga 25% iti pakabuklaan a gatad.
Segun kenni Curlee, nu saan da a maki-cooperate, maballaagan da nga agka-problema ti proyekto kas ti “mutual termination” wenno “right of way” issues.
