Agbalbalin a karit ti ekspedisyon a mangbirbirok iti mapukpukaw nga eroplano ti Amerikana a piloto a ni Amelia Earhart iti presensya dagiti dadakkel a kappi nga addaan ti napipigsa a sipit iti nauneg nga isla ti Nikumaroro idiay South Pacific.
Segun iti Purdue University, nagdesision iti grupo a maturog iti lugan da a pang-baybay laksid nga agtalinaed iti isla gapu iti dakkel ken aktibidad iti kada rabii dagiti maawawagan a coconut crab.
Nakatakuaten dagiti eksperto ti saan a bumaba iti uppat a nasao a kappi bayat a daldalusan iti nasukal a dalan nga agturong iti lagoon ti isla.
Nupay napipigsa dagiti sipit da a kaya nga mangparmek ti niyog, kinuna ti unibersidad a saan da met a makalaplapped iti operasyon.
Tarigagay ti ekspedisyon a sukimaten iti maysa a naidumduma a banag a nakita iti satellite imagery ken mapapati a daitoy iti mapukpukaw a Lockheed Electra a nagluganan ni Earhart.
Napukaw ni Earhart ken iti navigator na a ni Fred Noonan idi Hulyo 2, 1937, bayat a padpadasen nga agbalin nga umuna a babae a makatayab iti intero a lubong.
Agingga ita, agtaltalinaed a misteryo iti pannakapukaw da.
