BR LA UNION – Nakaaramid ti pakaaritaan ti maysa manen a Pinoy kalpasan a makadanon iti tuktok ti kangatuan a bantay iti intero a lubong a Mt. Everest.
Ni Rhisael “Ric” Rabe a tubo ti Cotabato City iti kabarwan wenno maika-innem a Pilipino a nakadanon iti tuktok ti bantay agarop alas-7:15 ti agsapa idi Huwebes, Mayo 15, oras idiay Nepal.
Daytoy ket kalpasan ti dandani dua a dekada sipud nailista ti umuna a mountaineer manipud Pilipinas a nakauli idiay Mt. Everest.
Segun iti misis ni Rabe, awan ti sponsor ken saan a naisapubliko ti isusurot ti mister na iti nasao nga expedition, siuulimek ken determinadok a nangdanon iti summit ti bantay.
Inwaragawag na a saan pay a nalpas iti journey ti mister na agingga a saan pay a nakababa manipud iti bantay ken makaawid a natalged.
Kadwa ni Rabe a ballaygi a nakadanon iti summit dagiti tallo a Nepalese, maysa nga Indian ken maysa a British mountaineer.
Kabayatanna, dua pay a Pilipino iti manggandat a makadanon iti summit kabilang ditoy da Jeno Panganiban ken Miguel Mapalad a paset ti Philippine 14 Peaks Expedition Team.
Dagiti naudi a Pilipino a naimaldit a nakauli idiay Mt. Everest idi 2007 ket isuda Noelle Wenceslao, Janel Belarmino ken Carina Dayondon.
