BR LA UNION – Maysa a Filipino ti naipadamag a mapukpukaw kalpasan ti panagduprak ti flash flood idiay Nepal.
Segun iti Nepal Tourism Board, ti nasao a Filipino ket kabilang kadagiti 644 a tattao a naipadamag a mapukpukaw gaputi flash flood.
Saan met nga agsar-sardeng dagiti otoridad nga agsapol kadagiti mapukpukaw a tattao.
Napasamak ti nakaru a panaglayos idiay Bhote Koshi ken Trishuli River idiay Rasuwa, Nuwakot, Dhading ken Gorkha agarop alas-8:30 ti bigat idi Agosto 26.
Iti nasao nga insidente, addan ti nasurok 300 a tattao ti natay.
Nagpatulod metten ti dadduma a pagilian iti bukod da a rescue teams tapno mapapartak ti panagsapol kadagiti naipadamag a mapukpukaw kalpasan ti flashfloods.
