LA UNION – Pinalagipan iti Office of Civil Defense (OCD) – Regional Center 1 dagiti beach goers ken mangngalap maipapan ti saan a nasayaat a kasasaad ti baybay iti Ilocos Region.
Kinuna ni OCD Regional Center-1 Spokesperson Mike Sabado, dadakkel iti dalluyon ti baybay gapu iti Northeast Monsoon.
Napeggad para kadagiti manggalap iti agpataaw ken masapul met iti naan-anay a panaggannad dagiti beach goers.
Maipalagip, sumagmamano metten nga insidente iti pannakapukaw dagiti manggalap ditoy Ilocos Region ken pannakalmes idiay baybay.
Iti kauddian nga insidente daytoy ket iti pannakaisalakan ti maysa a 9-anyos nga ubbing manipud ti pannakalmes idiay baybay ti Barangay Taberna, ili ti Bauang, La Union. (Abs Flores)
