LA UNION – Ipatungpalen iti Philipine National Police (PNP) ti pammilin ni Pangulo Rodrigo Duterte nga arestaren dagiti amin kameng wenno empleyado ti gobyerno nga agsusugal iti uneg ti casino iti intero a pagilyan.
Iti pannakiuman ti Bombo Radyo kenni C/Ins. John Guiagui, hepe ti San Fernando City Police Office idiay La Union, kinunana a mangikabilda kadagiti patigmaan iti Casino kalpasan nga imbilin daytoy ti pangulo.
Sigun kenni Guiagui, idi rabii ket kinasaritada ti mangimatmaton ti Casino idiay syudad ti San Fernando maipapan ti nasao a pammilin.
Nangikabil da metten iti trapulin a nakailanadan iti patigmaan kadagiti amin nga empleyado ti gobyerno a saan nga agsugal ken arestarenda dagiti maaktuan nga agay-ayyam idiay uneg ti casino.
“Sa buong bansa ito kung saan mayroong casino. ‘Yang kurapsyon. Ito talaga ang sanhi. Dapat tiganan natin. And from time to time, we will visit the casino para makipag-ugnayan sa management. Kailangan talagang mag-comply sa order ng ating Pangulo,” kinuna ni Guiagui.
Immuna iti daytoy, imbilin ni Pangulo Duterte kenni chief PNP Dir. Gen. Ronald dela Rosa a mangikabil iti patigmaan kadagiti casino kontra kadagiti amin a kameng ti gobyerno nga agsusugal.
“I just issued an order to Bato last night. Sabi ko, Bato, halika, maglagay ka sa casino prohibiting all workers of government from entering. May PD niyan eh. There’s a law. At that time, it was a law. It’s still the law. It was never modified or repealed,” sigun kenni Pangulo Duterte. (Absalom Flores)
