Makumikom ita dagiti balud iti Balaoan District Jail iti panagaramid kadagiti Christmas lanterns.
Kinuna iti maysa kadagiti balud a ni Jose, adu dagiti nasken nga ilippasda nga order kabayatan nga umadanin ti paskua.
Dakkel a banag daytoy para kenkuana ken ti pamilyana dagiti mapastrekanna manipud ti panagaramid kadagiti lanterns.
Dagiti nasao a balud ket nakasuro nga agaramid kadagiti dekorasyon kalpasan a naipasidong dagitoy iti livelihood training uray no addada iti uneg ti pagbaludan.
