Agtultuloy latta ti programa dagiti nagduduma a Jail Facility ditoy Probinsiya ti La Union partikular ti San Fernando City Jail, Naguilian Municipal Jail ken dadduma pay.
Dagiti handicraft nga aramid dagiti persons deprived of liberty kas kadagiti bonsai beds, pang-display, organizer, lamp shades, lanterns ken dadduma pay, ket mailaklako itan online.
Maibasar kadagiti Jail Officers, nagduduma ti talento nga ipakpakita dagiti persons deprived of liberty kas kuma iti panagluto, panagidrawing, panagaramid ti nagduduma a dekorasyon ken daddumapay.
Dakkel met a tulong para kadakuada daytoy bayat ti panagtalinaedda iti uneg ti jail facility.
Dagiti Jail Officers ket isu ti mangtultulong kadagiti PDLs tapno dagiti mangpartuat da a produkto ket mailako online.
Mabasar ti impormasyon, dagiti mapaglakwan ket ited mismo dagiti PDLs ken kadagiti pamilya da.
Kadagiti met mangayat a gumatang iti aramid wenno produkto dagiti PDLs ken mabalin a kontaken mismo dagiti fb page dagiti nagduduma a jail facility ti Probinsiya kas iti Naguilian Municipal Jail, San Fernando City Jail.
Iti sabali a bangir, balligi met a nagturpos dagiti persons deprived of liberty ti programa nga inpaay ti Tesda manipud Agoo District Jail nga idadaulwan ni Jail Senior Inspector Anthony Parrocha, agdama a jail warder ti Agoo District Jail.
Adda ti 25 a completers a nagturpos. Buklen daytoy ti 7 nga staff personnels , 15 ti lalaki a PDLs ken 3 ti babbai a PDLs ti nakaawat ti NCII Certificate of training ti Electrical Installation and Maintenance.
