Nakagin-awa itatta dagiti nakacontact iti immuna a nagpositibo iti covid 19 idiay ili iti san juan la union kalpasan a negatibo ti swab test dagiti nakacontact na partikular iti pamilya na.
Dayta ti kinumpirma iti doh region 1 babaen kenni dr. Rheuel bobis, medical officer.
Kinunana ni dr. Bobis ket naalaan idi april 2 ti swab ti pamilya na, ken naiturong idiay bgh idiay syudad iti baguio ti swab da.
Ken simmampet daytoy resulta idi sabado.
Karaman gamin kadagiti nakacontact iti pamilya iti pasyente ket dagiti sumagmamano nga empleyado iti munisipyo.
Ngem balakad iti mho iti san juan ken doh region 1 nga ituloy da latta dagiti pum wenno person under monitoring ti pannakaileppas iti quarantine period dagitoy
Iti agdama maibasar iti datos iti doh ket 207 ti pum nga agtaltalinaed iti home quarantine bayat nga 11 ti pui iti nasao nga ili.
Nainget met ti maipatpatungpal a monitoring kadagiti pum tapno masigurado adda da dagitoy iti natalged a kasasaad
