LA UNION – Naka-home quarantine ita iti kaaduan nga tattao idiay Hong Kong.
Daytoy ti kinumpirma iti Bombo Radyo La Union ni Correspondent Emily Miranda, maysa nga Overseas Filipino Worker (OFW) idiay pagilian a Hong Kong.
Kinuna na nga idi umuna a lawas ti bulan, kontroladon iti panagwaras ti corona virus wenno COVID 19 ngem gaputa napalubosan a makastrek dagiti gangganaet ken uray dagiti OFW’s a naggapu ti Pilipinas isu nga nagsubli iti panagsaknap ti virus.
Naka-lockdown metten ti airport, ken border nga agturong ti China ken Macau.
Nainget met iti ipatpatungpal a social distancing, ken panagsuot ti face mask.
Adda pay dagiti magatang a taraon ken dadduma a produkto kadagiti supermarkets ken department stores, ngem adda nagbaliwan na iti presyo agsipudta ngimmaton dagitoy.
