Inawagan a fake news ti Malakanyang dagiti agsaksaknap a damag mainaig ti saan a panagpansin ni US President Donald Trump kenni Presidente Ferdinand Marcos Junior idi nagsarak da ti punpon ni Pope Francis idiay Vatican idi aldaw ti Sabado.
Segun kenni Palace Press Officer Undersecretary Claire Castro, maibasar kadagiti naala a videos ken ladawan ket awan t ‘snobbing’ a napasamak.
Makita kadagiti ladawan ti ababa a panagpatang da Trump ken Presidente Marcos.
Nupay kasta, kinuna ni Castro a saan pay a madakamat nu anya ti nagsaritaan ti dua a lider ken ammuen na pay apaman agsango dan ni Presidente Marcos.
Malaksid kenni Trump, naaddaan pay ti ababa a panagsarita da Presidente Marcos ken ni sigud a US President Joe Biden.
