BR LA UNION – Kinumpirma ni Presidential Communications Office (PCO) Secretary Dave Gomez, a naaddaan ti panagsarita iti telepono da President Ferdinand R. Marcos Jr. ken U.S. President Donald Trump ken tinalantan da iti agdama a sitwasyon iti sangalubongan nga ekonomiya ken seguridad.
Kinuna ni Gomez, iti panagsarita ti dua a lider ket kasaruno iti panagtaripnong da President Marcos ken US State Secretary Marco Rubio idiay Malacañang idi Miyerkules.
Iti nasao a panagtaripnong, impakaammo ti Presidente kenni Rubio iti kauddian nga insidente idiay West Philippine Sea.
Segun kenni Sec. Gomez, siniguro ni President Trump kenni President Marcos nga isango na dagiti arungaing ti Pilipinas iti sumaruno a pannakitaripnong na kenni Chinese President Xi Jinping.
