BR LA UNION – Adda ita ditoy Pilipinas ni United States Secretary of State Marco Rubio.
Simmangpet ditoy pagilian ni Rubio idi kalman, Martes, tapno dumar-ay iti Association of Southeast Asian Nations (Asean) Foreign Ministers’ Meeting.
Sinabat isuna da US Ambassador to the Philippines Lee Lipton ken US Ambassador to Asean Kevin Kim apaman a limmapag ti naglugananna nga eroplano idiay Ninoy Aquino International Airport idiay Pasay City.
Nakatuding pay a dumar-ay ni Rubio iti East Asia Summit ditoy pagilian.
Immunan nga imbaga na a silulukat a makitaripnong kada Chinese Foreign Minister Wang Yi ken Russian Foreign Minister Sergei Lavrov.
Mabalin a maaddaan ti bilateral meeting iti QUAD a pakaibilangan ti India, Japan, Australia ken US iti panagbisita na ditoy Pilipinas.
