LA UNION – Naipangato ti Tropical Cyclone Wind Signal No. 1 idiay Davao Oriental gaputi bagyo Querubin.
Iti Tropical Cyclone Bulletin #1, naudi a nakita iti sentro ti bagyo Querubin iti kaadayu a 215 km iti daya, abagatan-a-daya ti Davao City wenno 245 km daya ti General Santos City.
Nabuntog iti gunay ti bagyo bayat nga agturo0ng iti abagatan, abagatan-a-oadaya.
Kabuyog na iti kapigsa ti angin nga 45 kilometro kada oras asideg iti sentro ken kapegges a dumanon iti 55 a kilometro kada oras.
Iti intero a forecast period, agtalinaed a tropical depression ti bagyo Querubin agingga a kumapsot ken agbalin laengen a remnant low inton bigat, aldaw ti Miyerkoles.
Nupay kasta, iti Shear Line ken bagyo Querubin ket mangigubway ti napigsa a panagtudo iti sumagmamano a lugar idiay Visayas ken Mindanao.
Gaputi dayta, agtaltalinaed iti ballaag ti PAGASA a possible iti layos ken landslide kadagiti prone areas a makapadas ti agtultuloy wenno napaut a panagtudo.
