Nailista idi Martes, Nobyembre 3, ti PAGASA iti kangatuan nga 44 degrees Celsius heat index iti dua a lugar ditoy pagilian, maibasar iti heat index forecast maipapan iti panagbantay iti epekto ti super El Niño.
Maibasar iti forecast ti state weather, narikna iti 44 degrees Celsius heat index idiay Dagupan City, Pangasinan ken Borongan, Eastern Samar.
Kasaruno daitoy, lima a lugar iti nakailista ti maikadua a kangatuan nga heat index a 43 degrees Celsius, a pakairamanan ti Bacnotan, La Union; Iloilo City ken Dumangas, Iloilo; Mambusao, Capiz; ken iti Butuan City, Agusan del Norte.
Dimmanon met iti 42 degrees Celsius iti heat index kadagit lugar ti San Jose, Occidental Mindoro; Cuyo, Palawan; karaman iti isla ti Siquijor; ken Guiuan, Eastern Samar.
Kabayatanna, iti heat index a dumanon ti 42 ken 51 ket maibilang iti danger category, nu sadinno, iti aniaman a napaut nga exposure iti init ket mabalin a mangigubuay ti heat exhaustion wenno heat stroke.
Para met iti forecast ita nga aldaw ti Miyerkules, namnamaen ti ahensiya a dumanon manen iti 42 degrees Celsius dagiti sumagmamano a lugar iti rehiyon ti MIMAROPA idiay Cuyo ken Coron, Palawan, ken San Jose, Occidental Mindoro.
Kasta met idiay Western Visayas iti lugar ti Iloilo City ken Dumangas, karaman iti La Granja, La Carlota idiay Negros Island Region.
Manamnama met iti danger category idiay Hinatuan, Surigao del Norte ken Butuan City, Agusan del Norte idiay Caraga, ken sumagmamano a lugar iti Eastern Visayas idiay Borongan, Eastern Samar.
