Inallokoy ni Defense Secretary Gilberto “Gibo” Teodoro Jr. dagiti sumaruno a lider ti militar manipud Philippine Military Academy (PMA) a mas irutan iti ambisyon a panang-papigsa ti depensa ti pagilian ken labanan iti kapanunotan a saan a kabaelan a sangwen ti Pilipinas dagiti karit iti seguridad, nangruna nu nakataya iti soberanya ken teritoryo ti pagilian.
Iti panagnbetla na iti selebrasyon ti anibersaryo ti Philippine Military Academy, imbaga ni Teodoro a saan a rumbeng nga agbalin a kampante ti pagilian iti tengnga ti baro a pangta ti seguridad iti pagilian.
Impaganetget ti sekretaryo a saan a kabaelan nga agbalin a kampante wenno sobra a konserbatibo ti Pilipinas nu maipapan ti panangi-depensa iti teritoryo ken soberanya daytoy.
Segun kenni Teodoro, kasapolan a paspasan ti gobyerno iti panangpapigsa ti kabaelan ti militar tapno maka-kamat kadagiti karit iti seguridad a rumbeng a nabayag koman a nasaganaan.
Kinuna na a saanen a maisubli dagiti panawen a nasayang iti panagplano, isunga kasapolan a paspasan dagiti agdama nga addang.
Kabilang kadagiti karit a rumbeng a saganaan ket ti panagruar dagiti kabarwanan a teknolohiya, pannaka-palawa iti tay-ak ti operasyon militar, ken panagusar iti impormasyon kas arwaten iti pannakilaban.
Impaganetget ni Teodoro a kasapolan nga agtultuloy a maitunos iti Armed Forces of the Philippines (AFP) ken iti PMA dagiti nasao a panagbalbaliw, kabilang iti panang-sukog dagiti lider a kabalaenna ti makaawat ken rumesponde kadagiti pangta iti masangwanan.
