Adda itan iti kustodiya dagiti otoridad ti maysa a delivery rider kalpasan a makumpiskaran ti droga idiay Don 1 Barangay San Vicente, San Fernando, La Union idi rabii.
Immuna ditoy ket nakagatang ti nagpammarang a poseur buyer ti maipagarop a droga manipud iti suspek.
Ti suspek ket 32 anyos, single dad, ken residente ti Barangay Talogtog, San Juan, La Union.
Malaksid iti dua a sachet a nagatang kenkuana ket karama pay a nakumpiskar ti 3 a sachet iti maatap a shabu; 2 a cellphone ken buy bust money a P1,500 pesos.
Kabayatan na, segun iti suspek makatawenen daytoy nga agus-usar ti maiparit nga agas no sadino idiay Calasio, Pangasinan ti inbagana a pagal-alaan daytoy.
Ti pannakailinged ti nagan ti suspek ket tapno saan a masinga ti imbestigasyon dagiti otoridad gapu kadagiti personalidad a dinakamat daytoy.
