Nag-apela ni Agriculture Secretary Francisco P. Tiu Laurel Jr. iti Senado tapno aprobaran ti P198.4-billion budget ti Department of Agriculture para iti 2027.
Segun kenkuana, aggigiddan a madagsenan dagiti mannalon ken mangngalap iti krisis ti climate change, super El Niño, ken panagngato ti presio ti abono ken krudo.
Impakdaar ni Tiu Laurel, daytoy ket mabalin a mangapektar iti agingga iti 4.6 a milion a mannalon iti intero a pagilian. Impaganetgetna, saan a patas ti dumawat iti nalaka a taraon no dagiti mismo nga agmulmula ti marigatan iti gastos iti produksion.
Panggep ti naisingasing a pondo a tulongan ti sektor babaen ti de kalidad a bukel, makabaro a teknolohia, ken baro a kalsada manipud talon agingga iti merkado ken cold storage.
Makatulong pay daytoy tapno maksayan ti lugi ken mapaadu ti matgedan dagiti komunidad iti away.
Nupay bumassit ti bingay ti agrikultura iti 7.9% inton tawen 2025, mangipaay latta daytoy iti panggedan ti maysa kadagiti adu a Pilipino. Innayon ti DA a kasapulan met ti dakkel a pondo para iti irrigation ken post-harvest facilities tapno permanente a mapatalged ti suplay ken seguridad ti taraon ditoy pagilian.
