BR LA UNION – Agtaltalinaed a ti sektor ti edukasyon ti addaan kadackelan nga alokasyon iti P6.326 trillion national budget para iti 2025.
Maibasar iti 2025 General Appropriations Act, umawat ti PhP1.05 trillion nga alokasyon iti education sector.
Sinaruno daytoy ti Department of Public Works and Highways (DPWH) – PhP1.007 trillion; Department of National Defense (DND) – PhP315.1 billion; Department of the Interior and Local Government (DILG) – PhP279.1 billion; Department of Health (DOH) – PhP267.8 billion; ken Department of Agriculture – PhP237.4 billion.
Iti Department of Social Welfare and Development (DSWD) ket addaan ti PhP217.5 billion; Department of Transportation (DOTr) – PhP123.7 billion; Judiciary – PhP64.0 billion; ken Department of Justice (DOJ) – PhP 42.2 billion.
Siniguro ni President Ferdinand Marcos Jr. a prayoridad a pakabosbosan ti pondo iti sumaruno a tawen iti edukasyon ken social services.
Kinuna na a maituloy dagiti addang a mangpullat ti agkur-kuranga a silid-pagadalan ken dagiti computer kadagiti eskuwelaan.
