Nakasagana ti nasurok 300 a plantilla position para iti teacher item iti Department of Education Region 1 a mabalin nga aplikaran dagiti apektado a mannursuro a naggapu kadagiti nagrikep nga pampribado a pagadalan gapu ti Covid-19.
Iti pannakiuman iti Bombo Radyo La Union kenni DepEd Region 1 public affairs unit head ken spokesperson Cesar Bucsit, dumanon ti 362 a plantilla position ti bakante.
Nupay saan a sakop ti DepEd dagiti private schools ket nakasagana dagitoy a mangawat kadagiti kwalipikado a private school teachers nga agaplikar kadagiti nasao a positions.
Maipalagip, dumanon itan iti 25 a private schools iti Region 1 ti nagrikep para ita a School Year gapu iti Covid 19 pandemic.
Maibasar iti datos kabilang kadagiti bakante a positions ket:,
(1) a private school ti nagsarado idiay Batac City
(3) idiay Dagupan
(1) idiay Ilocos Sur
(4) ditoy La Union
(1) idiay Laoag City
(1) idiay Pangasinan 1
(11) idiay Pangasinan 2
Innayon pay ni Buscit a numan nagrikep dagitoy a pagadalan ket mabalinda latta nga aglukat laketdi adda koordinasyon dagitoy DepEd.
