Nangiruar ti statement ni Department of the Interior and Local Government (DILG) Secretary Jonvic Remulla.
Daytoy ket kalpasan nga ilungalong ni ML Partylist Representative Leila de Lima nga idalan iti deportasion ken saan nga extradition iti panangpaawid kenni Ako-Bicol Representative Zaldy Co, a maysa kadagiti kangrunaan a mairamraman ti korapsion kadagiti flood control.
Segun kenni Remulla, nupay lohikal iti singasing nga ipadeport iti sigud a kongresista ket improbable met daytoy nga opsion iti agdama.
Saan a mabalin a piliten iti deportation gapu ta Portuguese passport holder ni Co.
Awan met ti extradition treaty iti Pilipinas ken Portugal, ngem kenuna ni Presidente Ferdinand Marcos Junior a nakasagana isuna a makaisarita para iti panangarestar kenni Co.
Agdama nga ad-adalen ti gobierno iti legal nga addang babaen dagiti international agreements ken posible nga avenues iti sidong ti nited Nations.
Idi Nobiembre 2025, nadatagan ti arrest warrants ni Co ken dagiti dadduma pay nga opisial gapu iti maipagarup nga anomalya ti ₱289-million flood control project idiay Oriental Mindoro.
Nangipila met ti Ombudsman ti kaso iti Sandiganbayan ken mangrugi iti trial ita nga aldaw, Enero 20.###
