Pinapigsa pay ti Department of Human Settlements and Urban Development (DHSUD) ti disaster preparedness efforts para ti panagsagana kadagiti agbalin nga epekto dagiti umadani nga bagyo ditoy pagilian.
Kas maiyannurot iti direktiba ni Presidente Ferdinand Marcos Jr., padpadarasen itan ti ahensya ti aktibo nga akem dagiti Regional Directors ken Officer-in-Charge kas Shelter Cluster Leads kadagiti rehiyon da.
Impaganetget ni DHSUD Secretary Jose Ramon Aliling a nasken nga agserbi kas sentro ti koordinasyon dagiti regional office maipapan kadagiti didigra nga adda pakainaigan na ti sheltering nangruna kadagiti “vulnerable”.
Karaman iti addang ket ti naing-inget a pannakikoordinar kadagiti lokal a gobierno tapno masiguro a natalged iti panagresponde tunggal adda didigra.
Nabilin pay dagiti regional offices a mangisubmitir ti inaldaw a situational reports para iti epektibo a monitoring ti pagkasapulan dagiti apektado a lugar.
