Pinaglibakan ni Interior Secretary Jonvic Remulla iti alegasion dagiti agprotprotesta a naaddaan ti “overkill” iti seguridad kabayatan ti Trillion Peso March, kangrunaan idiay Mendiola nga asideg ti Malacañang a nakarangan dagiti demonstrador tapno saan da a makaasideg.
Inlawlawag ti sekretario, awan ti overreaction ken iti laeng adda ket under reaction. Makuna nga overreaction no addan ti nagdidinnangran.
Iti panakaipakat dagiti ado a personnel ket paset iti panangipasigurado ti kinaurnos ken kinatalged iti amin.
Inlibak pay ni Secretary Remulla nga isu ket nainsulto kadagiti panawagan nga agikkat isuna ken ni Presidente Ferdinand Marcos Jr.
Kabaelanna nga awaten daytoy ngem awan ti ego a salsalaknibanna gapu ta addaan ti karbengan iti amin a manggegan, iti laksid ti saan na a panangamong kenkuada.#
