Nagpalagip ti Rosario Municipal Police Station (MPS) tapno maliklikan iti carnapping.
Karaman kadagiti palagip da iti naan-anay a panag-secure ti lugan. Siguradoen a naka-lock amin nga aruangan ken tawa, ken saan nga ibati nga agan-andar iti makina uray apagbiit laeng. Inrekomenda da pay iti panagusar ti steering wheel lock wenno car alarm system kas kanayonan a proteksion.
Palagipda iti publiko nga agbalin a nasirib iti panagpili ti paradahan. Napinpintas no agparada iti nalawag ken natao a lugar, ken no mabalbalin ket kadagiti lugar nga addaan ti CCTV coverage. Liklikan dagiti nasipnget ken nasulinek a parking area a mabalin nga agbalin a target dagiti agtatakas.
Innayonda pay a saan nga agibati dagiti napapateg a gamit kas iti bag, cellphone, ken naduma-duma pay iti uneg ti lugan. Kasapulan pay nga idulin iti natalged a lugar iti OR/CR tapno maliklikan iti posible a panagusar daytoy iti iligal nga aaramid.
Mensahe ti Rosario MPS nga agbalin nga alerto iti aglawlaw ken dagus nga i-report iti otoridad iti aniaman a mapagduduan nga aramid wenno indibidual.
Iti panagbalin a nasiput ken responsable iti tulbek tapno maliklikan ti carnapping.### (Report by Bombo Jordan)
Photo Courtesy: Rosario Municipal Police Station La Union PPO
