BR LA UNION – Immandar ti Department of the Interior and Local Government iti amin a local government units dirtoy pagilain iti panangikkat a dagus ti nagan, ladawan, ken dadduma pay a pagilasinan dagiti opisyal kadagiti proyekto ken programa a pinonduan ti gobyerno.
Iti sidong ti Memorandum Circular No. 2026-006, maiparit ti agikabil ti nagan, imahe, logo, slogan, color scheme, wenno anyaman a simbolo ti public official iti project signage, tarpaulin, ken dadduma pay a government-funded materials.
Segun kenni Interior Secretary Jonvic Remulla, dagiti proyekto ti gobyerno ket naggapo iti buwis dagiti umili ken saan a rumbeng nga usaren para iti personal a promosyon dagiti opisyal.
Nakailanad iti direktiba a maiyanurot daytoy iti 1987 Constitution, Code of Conduct and Ethical Standards for Public Officials, Commission on Audit rules, ken 2026 General Appropriations Act.
Nagballaag ni Remulla a mabalin a sumango iti preventive suspension ken administrative cases dagiti aglabsing ken inallokoy na iti publiko nga i-report dagiti aglabsing.
