Impaganetget ni Department of Justice (DOJ) Undersecretary Raul Vasquez a saan nga ‘personality driven’ wenno direkta para ti partikular a grupo ken indibidwal ti ar-aramiden da a panagimbestigar ti kaso dagiti mapukpukaw a mammallot.
Kinunana nga aniaman a pagbanagan ti imbestigasyon ket kayat laeng a satwen nga isu iti itudtudo iti ebidensya ken kangrunaan a nakinbasol iti kaso.
Innayon nga awan ti personal nga agenda iti imbestigasyon ken ar-aramiden da laeng ti trabaho da nga iti agdama ket madama paylaeng iti panaggun-od kadagiti ebidensya.
Panggep daitoy a papigsaen pay ti kaso a mabalin a maipila ti korte kontra kadagiti personalidad nga adda iti likudan ti nakaam-ames a krimen a kas maiyannurot iti pammilin mismo ni Presidente Ferdinand Marcos Junior.
