BR LA UNION – Inyanunsyo ti Department of Labor and Employment (DOLE) nga usaren da iti programa a TUPAD tapno matulungan dagiti transport workers nga apektado ti agtultuloy a panagngato ti presyo dagiti produkto a petrolyo.
Segun kenni DOLE Director Leilani Reynoso, baliwan da ti sistema ti TUPAD tapno mas naparpartak ken mas epektibo a maidanon iti emergency employment kadagiti drivers.
Kabayatanna, imbaga ni Department of Social Welfare and Development Assistant Secretary Irene Dumlao a mangisayangkat ti special payout iti sumaruno a lawas para kadagiti driver ti pampubliko a lugan a saan a nakaawat ti P5,000 ayuda manipud iti gobyerno.
Target ti DSWD a makabukel ti payout para kadagiti ribu a miyembro ti tricycle ken jeepney drivers, transport network vehicle service (TNVS), ken motorcycle taxi riders.
Maibasar iti datos, nasurok 396,000 public transport drivers idiay Metro Manila ti manamnama nga agnumar iti fuel subsidy ita a bulan ti Abril.
Ti aggiddan nga inisyatiba ti DOLE ken DSWD ket agpada a makit-kita a napateg tapno agtalinaed ti pagbiagan iti sektor iti transportasyon.
Nabalakadan dagiti benepisyaryo nga aguray ti opisyal nga abiso seknan iti iskedyul a panagibunong ti ayuda.
