Nangilatang ti Department of Labor and Employment (DOLE) iti P1.2 billion a pondo para kadagiti programa a pangtulong kadagiti vulnerable workers.
Naisagana ti pondo kalpasan ti panangideklara ni Presidente Ferdinand Marcos Junior iti national energy emergency gapu iti gubat idiay Middle East, kas paset paylaeng ti UPLIFT program a mangsigurado ti pagsyaatan dagiti mangmangged.
Karaman iti nasao a pondo dagiti programa ti social protection kas iti Tulong Panghanapbuhay sa Ating Disadvantaged/Displaced Workers (TUPAD) ken DOLE Integrated Livelihood Program (DILP).
Impasigurado pay ti DOLE ti agtultuloy a koordinasion iti Overseas Workers Welfare Administration (OWWA) ken Department of Migrant Workers (DMW) tapno matulongan dagiti OFWsnga apektado iti riribuk.
