Agtinnulong ti Department of Transportation (DOTr) ken Philippine National Police Criminal Investigation and Detection Group (PNP-CIDG) tapno mangisayangkat ti imbestigasyon mainaig ti pammapatay ti maysa nga Special Action and Intelligence Committee for Transportation (SAICT) enforcer idiay Cavite.
Segun kenni Transportation Secretary Vince Dizon, napaltogan ti biktima iti uneg ti pagnanaedan na idiay Cavite ken madama paylaeng nga im-imbestigaran dagiti otoridad ti motibo iti krimen kasta met a madi na kayat nga un-unaan iti imbestigasyon.
Kasaruno daitoy ket impasiguro ni Dizon iti maipadanon a tulong iti pamilya ti bitima kasta met a kabinnulig ti CIDG ket ipaay da iti hustisya kadakuada.
